Xalqaro tahlil agentligi Brand Finance 2024 yil uchun dunyoning eng qimmat 500 brendi reytingini e'lon qildi. Yetakchilar qatorida Apple, Microsoft, Google va Amazon kabi texnologiya gigantlari saqlanib qolmoqda.
Brend bahosi daromad dinamikasini, rivojlanishga investitsiyalarni, litsenziya qiymatini, brendning mashhurligini va qabul qilinishini, shuningdek, prognozlar va litsenziya shartnomalarini hisobga oladi.
Eng qimmat 5 brend quyidagilar:
- Apple — $574,5 milliard (+11%);
- Microsoft — $461 milliard (+35%);
- Google — $413 milliard (+24%);
- Amazon — $356 milliard (+15%);
- Walmart — $137 milliard (+42%).
O'nlikka shuningdek Samsung ($110,5 milliard), TikTok ($105,8 milliard), Facebook ($91,5 milliard), Nvidia ($87,9 milliard) va "Xitoy Davlat Elektr Tarmoqlari Korporatsiyasi" ($85,6 milliard) kirdi.
So'nggi besh yil ichida Nvidia brendi eng tez qimmatlashdi — 1770% o'sish. Keyin Pinduoduo (+420%), BYD (+350%), Apple (+310%) va Microsoft (+294%) keladi.
Brand Finance asoschisi Devid Heyning ta'kidlashicha, brendlarning qiymati endi faqat texnologiya sohasiga cheklangan emas. Eng yirik chakana tarmoq Walmart beshinchi o'rinni egalladi, Xitoy kompaniyalari, masalan, TikTok, Pinduoduo va BYD an'anaviy yetakchilarga qarshi kurashni davom ettirmoqda, yangi mahsulotlar va xizmatlar yaratar ekan.
Reytingda yetakchi mamlakatlar:
- AQSh — 194 brend (52,9% umumiy qiymatdan);
- Xitoy — 69 brend (15%);
- Yaponiya — 36 brend;
- Fransiya — 35 brend;
- Germaniya — 27 brend.
Ro'yxatdagi eng qimmat 10 brendning 7 tasi amerikalik kompaniyalar. Istisnolar Samsung (Janubiy Koreya), TikTok va "Xitoy Davlat Elektr Tarmoqlari Korporatsiyasi" (ikkalasi ham — Xitoy) bo'ldi.
Eng qimmat sektor moliya bo'lib, u barcha brendlarning umumiy qiymatining 12,7% ni (78 bank kompaniyasi) tashkil etadi. Keyin chakana savdo (11,4%) va media industriyasi (10,3%) keladi.
Oldinroq Spot milliy brendlar va global brendlar hamkorlariga subsidiyalar berilishi haqida yozgan edi.