Yangi O’zbekiston parkida harbiy-patriotik "Men G’olib Run" yugurish musobaqasi bo'lib o'tdi.

Men G’olib Run - O'zbekistonda o’tkaziladigan yagona sport tadbiri bo’lib, unda mamlakatning asosiy kuch tuzilmalari va harbiy tashkilotlari vakillari eng yaxshilarni aniqlash maqsadida yugurish poygasida ishtirok etadilar. Bundan tashqari, Men G’olib poygasi professional bo’lmagan yuguruvchilar uchun ham ochiq tadbir bo’lib, sog’lom turmush tarzini targ’ib qilish, mamlakatda yugurish madaniyatini rivojlantirish va aholining armiyaga bo’lgan e’tiborini oshirish maqsadida o’tkaziladi.

Poyga O‘zbekiston Respublikasi Qurolli Kuchlari va kuch tuzilmalari o’rtasida yo’l yugurish bo’yicha chempionat doirasida o’tkazilib, unda ishtirokchilar shaxsiy va jamoaviy hisobda bellashadilar. Musobaqaning ikkinchi bosqichi may oyida, xotira va ehtirom kuniga tayyorgarlik jarayonida o’tkaziladi.

Bu yilda Men G’olib Run poygasi birinchi marta Markaziy Osiyo yurish va yugurish akademiyasi tomonidan tashkil etilmoqda, tadbirning hamkor tashkiloti O‘zbekiston yengil atletika federatsiyasi, umumiy hamkor esa "O'zbekneftegaz" AJ hisoblanadi. Davlat idoralari orasida tadbirni tashkil etishda: Sport vazirligi, O‘zbekiston Respublikasi Mudofaa vazirligi, Ichki ishlar vazirligi, Milliy Olimpiya qo'mitasi, Yoshlar ishlari agentligi va Toshkent shahar hokimligi ishtirok etmoqda.

Yana 1500 nafar yuguruvchi Yangi O’zbekiston parkidagi maydondan 3 km va 10 km masofalarida start oldi. 10 km masofasiga 800 dan ortiq ariza kelib tushdi, bu esa so’nggi yillarda yugurishga bo’lgan qiziqishning oshganini ko’rsatadi. Uzoq masofalarga tayyorgarlik ko’rish vaqt, kuch va jismoniy hamda muvozanatli rivojlanishga e’tibor talab qiladi va bu yosh va faol avlod o’rtasida sog’lom odatlarni joriy etishning birinchi qadamlaridan biridir.

Patriotik poygada jamoaviy hisobda Men G’olib kubogi uchun kuch tuzilmalari o’rtasida yetti jamoa va harbiy ta’lim muassasalari o’rtasida olti jamoa kurash olib bordi. Ular orasida O‘zbekiston Respublikasi Mudofaa vazirligi, O‘zbekiston Respublikasi Prezidenti Davlat xavfsizlik xizmati, Davlat xavfsizlik xizmati, Milliy gvardiya, Ichki ishlar vazirligi, Favqulodda vaziyatlar vazirligi, Davlat bojxona qo’mitasi jamoalari bor. Ta’lim muassasalari jamoalarini Qurolli Kuchlar akademiyasi, Jamoat xavfsizligi universiteti, IIV akademiyasi, Favqulodda vaziyatlar akademiyasi, Davlat xavfsizlik xizmati akademiyasi, Davlat bojxona qo’mitasi instituti kursantlari tashkil etdi.

O'zbekiston Respublikasi kuch tuzilmalari va harbiy idoralari rahbariyati o’z xodimlarining jamoaviy ruhini qo’llab-quvvatlash maqsadida tadbirga keldi: Mudofaa vazirining o’rinbosari - general-mayor Xamdam Karshev, Favqulodda vaziyatlar vazirining birinchi o’rinbosari - polkovnik Sanjar Zuporov, O‘zbekiston Respublikasi Milliy gvardiyasi qo’mondoni o’rinbosari Sarvar Mamayusupov. Shuningdek, musobaqaning tantanali ochilishida O‘zbekiston Respublikasi sport vaziri Adham Ikramov, O‘zbekiston NOCning Bosh kotibi O’ybek Qosimov ham ishtirok etdilar.

- Bu haqiqiy O‘zbekiston patriyotlari bilan bir qatorda turish katta sharaf, ular kun-u tun tinchlik va farovonlikni ta’minlash uchun kurashadilar, - deya ta’kidladi tadbirda Adham Ikramov. - Men G’olib Run sport poygasi - kuch tuzilmalari, harbiy idoralar, ularning oilalari va Vatan uchun xizmat qilish yo’lini tanlagan yosh kursantlar, harbiy oliy o’quv yurtlari bitiruvchilariga o’z minnatdorchiligimizni bildirish imkoniyatlaridan biridir.

Men G’olib Run poygasiga 3 km masofasida harbiy xizmatchilar va kuch tuzilmalari vakillari, katta va kichik avlod bolalari ishtirok etib, patriotlar bayramini nishonladilar.

Men G’olib Run poygasining umumiy mukofot jamg’armasi 76 million so’mga teng bo’ldi. Ishtirokchilar 3 va 10 km masofalarida erkaklar va ayollar o’rtasida, kursantlar o’rtasida jamoaviy birinchi o’rin va kuch tuzilmalari o’rtasida jamoaviy birinchi o’rin bo’yicha mukofotlandi. Tashkilotchilar tomonidan oilaviy poygaga ishtirok etuvchilar va 3 va 10 km masofalarida erkaklar va ayollar o’rtasida yosh toifalari uchun maxsus nominatsiya ajratildi.

Men G’olib Run poygasida jamoaviy musobaqalarda O‘zbekiston Respublikasi Mudofaa vazirligi jamoasi g’olib bo’ldi.

Shaxsiy musobaqalarda g’oliblar:

3 km (erkaklar):

1. Eldor Botirov

2. Diyorbek Daminov

3. Alibek Salimov

3 km (ayollar):

1. Aziza Mirzaakbarova

2. Maisara Yusupova

3. Mahliyo Jumanzorova

10 km (erkaklar):

1. Shohrux Davlatov

2. Otobek Toshkuvvatov

3. Evgeniy Fadeev

10 km (ayollar):

1. Xayitxon Abduhmannopova

2. Alina Xakimova

3. Shohsanam Xurramova