O'zbekistonda oziq-ovqat mahsulotlari iste'mol normalari har uch yilda qayta ko'rib chiqiladi.

Qonun oziq-ovqat xavfsizligi sohasidagi munosabatlarni tartibga soladi.

Qonun aholini oziq-ovqat mahsulotlari bilan xavfsiz ta'minlash, samara beruvchi bozor mexanizmlarini shakllantirish va oziq-ovqat mahsulotlari hamda xom ashyo ishlab chiqarishni o'z ichiga oladi.

Vazirlar Mahkamasi oziq-ovqat xavfsizligi sohasida yagona davlat siyosatini amalga oshirishni ta'minlaydi va oziq-ovqat xavfsizligini ta'minlash bo'yicha O'zbekistonda oziq-ovqat mahsulotlari yetishmasligi holatida operativ chora-tadbirlarni belgilaydi.

Qishloq xo'jaligi vazirligi oziq-ovqat xavfsizligi sohasida vakolatli davlat organidir.

Davlat qo'llab-quvvatlashining maqsadi oziq-ovqat xavfsizligi sohasida mamlakat aholisining asosiy ijtimoiy muhim oziq-ovqat mahsulotlariga bo'lgan ehtiyojlarini mahalliy oziq-ovqat mahsulotlari va xom ashyo ishlab chiqarish hisobiga qondirishdir.

Oziq-ovqat mahsulotlarini iste'mol qilish normasi har uch yilda demografik, ijtimoiy va iqtisodiy ko'rsatkichlar asosida ko'rib chiqiladi.

Qonun rasmiy ravishda e'lon qilingan kundan boshlab 6 oy o'tgach kuchga kiradi, deya xabar beradi Adliya vazirligi.