O'zbekistonda 2025-yil 1-maydan boshlab mahsulot va xizmatlarni "Xalal" belgisi bilan belgilashga ruxsat beriladi.
O‘zbekiston Respublikasi Vazirlar Mahkamasining 2025 yil 1 fevraldagi 57-sonli qarori bilan “Halol” talablariga mos mahsulotlar va xizmatlarni sertifikatlash tartibi to‘g‘risidagi nizom tasdiqlandi.
Ushbu hujjat “Halol” talablariga muvofiq sertifikatlangan mahsulotlar va xizmatlarni davriy baholashni nazarda tutadi.
“Halol” talablariga muvofiq mahsulotlar va xizmatlarni sertifikatlash organlarini tashkil etish rejalashtirilgan.
Sertifikatlash va ularga qo‘yiladigan talablarni aniqlashda Islom mamlakatlari standartlar va metrologiya instituti (SMIIC) tomonidan qabul qilingan va xalqaro darajada tan olingan standartlarga ustunlik beriladi.
2025 yil 1 maydan SMIIC talablariga muvofiq sertifikatlangan mahsulotlar va xizmatlar “Halol” belgisi bilan belgilanishi rejalashtirilmoqda.
Ariza beruvchi elektron shaklda sertifikatlash organiga ariza taqdim etadi. Sertifikatlash organi ariza beruvchi tomonidan taqdim etilgan arizani va unga ilova qilingan hujjatlarni uch ish kuni davomida ko‘rib chiqadi.
Baho berish ishlari mahsulot ishlab chiqarish yoki xizmat ko‘rsatish joyida baholash dasturi asosida, sertifikatlash organi rahbari (o‘rinbosari) tomonidan ishlab chiqilgan va tasdiqlangan dasturga muvofiq amalga oshiriladi.
Agar baholash jarayonida ariza beruvchining ishlab chiqarayotgan yoki foydalanayotgan mahsulotining tarkibi bo‘yicha shubhalar paydo bo‘lsa, mahsulot namunalarini ariza beruvchining ishtirokida tanlab olish va texnik tartibga solish sohasidagi normativ hujjatlarda belgilangan talablar va “Halol” talablariga muvofiq akkreditatsiyadan o‘tgan sinov laboratoriyasida sinovdan o‘tkazish amalga oshiriladi.
Hujjat davlat tilida Milliy qonunchilik ma'lumotlar bazasida e'lon qilingan va 2025 yil 2 maydan kuchga kiradi, deya xabar beradi “Norma”.