O'zbekistonda ma'rifiy faoliyatni amalga oshirish tartibi belgilangan.

Ma’rifat faoliyati - shaxsning shaxsiy, intellektual va ma’naviy rivojlanishi, ijtimoiy va iqtisodiy faoliyatini oshirish, intellektual va ijodiy salohiyatini namoyon etish, individual salohiyatini, imkoniyatlarini, muloqot qobiliyatlarini rivojlantirish uchun zarur bo‘lgan ko‘nikmalar va malakalarni shakllantirishga qaratilgan faoliyat turi bo‘lib, davlat ta’lim standartlari bilan ko‘zda tutilmagan.

Nizom ma’rifat faoliyatini amalga oshirish tartibi va shakllarini belgilaydi va quyidagilarni nazarda tutadi:

• ma’rifat faoliyatini amalga oshirishning tashkilot-huquqiy shakllari va ushbu faoliyatni amalga oshiruvchilarga qo‘yiladigan talablar;
• ma’rifat faoliyatini amalga oshirish shakllari (ma’ruza, taqdimot, seminar, ustaxonalar, kurs, dars, marafon, davra suhbati va qonunchilik bilan taqiqlanmagan boshqa shakllar, to‘g‘ridan-to‘g‘ri yoki onlayn, individual yoki guruhda, pullik yoki bepul);
• ma’rifat faoliyatini amalga oshirish tartibi, jumladan, agar tinglovchilar orasida voyaga yetmagan shaxslar bo‘lsa, ta’lim dasturini majburiy ravishda ishlab chiqish talabi;
• ma’rifat faoliyatida ishtirokchilarning huquqlari, vazifalari va ma’rifat faoliyatini amalga oshirishda taqiqlangan harakatlar.